JoomlaLock.com All4Share.net
Email: This email address is being protected from spambots. You need JavaScript enabled to view it.

Share This Post:

Submit to FacebookSubmit to Google PlusSubmit to TwitterSubmit to LinkedIn

BY: 8 TRIMEDIA NEWS TEAM

NILINAW NG DEPARTMENT OF TRADE AND INDUSTRY (DTI) NA ISANG BRAND LANG NG SLICED BREAD AT PANDESAL ANG NAGTAAS NG PRESYO.

SA PANAYAM NG DZRJ, SINABI NI DTI UNDERSECRETARY TED PASCUA NA BASE SA KANILANG MONITORING AY MALIBAN SA ISANG BRAND NG SLICED BREAD O TASTY AT PANDESAL AY NANANATILING PAREHO ANG PRESYO NG IBA PANG BRAND SA MERKADO.

PALIWANAG PA NI PASCUA, NASA PISO LAMANG ANG ITINAAS NG TASTY HABANG HINDI NAMAN UMABOT SA PISO ANG DAGDAG-PRESYO SA PANDESAL.

“TININGNAN NAMIN YUNG MONITORING NAMIN, ISA LAMANG SA SEVERAL BRANDED NA LOAF BREAD, YUNG TASTY AT ISA SA MGA BRANDED NA PANDESAL ANG TUMAAS, PISO. AT SAKA YUNG SA TASTY, YUNG ISANG KUMPOL, LESS THAN ONE PESO. PERO LAHAT NG BRANDS EH PARE-PAREHO ANG PRESYO SINCE 6 MONTHS AGO”, ANI TED PASCUA.

GAYUNMAN, KINUMPIRMA NI PASCUA NA MAY PAGTATAAS TALAGA SA PRESYO NG HARINA NOONG MARSO DAHIL SA PAGBABA NG SUPLAY NG TRIGO O WHEAT.

KARANIWAN ANIYANG NARARAMDAMAN ANG PAGGALAW NG PRESYO SA HARINA TATLONG BUWAN MATAPOS MAITALA ANG PAGBABA NG SUPLAY NG TRIGO.

SA NGAYON, MAKIKIPAG-UGNAYAN NA SILA SA GRUPO NG MGA BAKERS PARA LINAWIN ANG NATURANG USAPIN.

Share This Post:

Submit to FacebookSubmit to Google PlusSubmit to TwitterSubmit to LinkedIn

BY: 8 TRIMEDIA NEWS TEAM

PAGDEDEBATEHAN NG SENADO ANG PROBISYONG NAKASAAD SA REPORT NG ELECTORAL REFORMS AND FINANCE COMMITTEE NA NAGPAPAHINTULOT KAY PANGULONG RODRIGO DUTERTE NA MAGTALAGA O MAG-APPOINT NG OFFICERS-IN-CHARGE SA BARANGAY KUNG TULUYAN NANG MA-POSTPONE ANG OCTOBER ELECTIONS.

SA PANAYAM SA DZRJ, SINABI NI SEN. BAM AQUINO NA SA REPORT NA AKDA NINA SEN. RICHARD GORDON AT SEN. TITO SOTTO KUNG SAAN NAKASAAD ANG NATURANG PROBISYON AY TIYAK ANIYA NA PAGDEDEBATEHAN NG MGA SENADOR.

PALIWANAG NI AQUINO, MAGING SIYA AY HINDI PAPAYAG NA BY APPOINTMENT ANG PANSAMANTALANG UUPO BILANG BARANGAY OFFICIALS DAHIL PANGUNAHING ASPETO NG DEMOKRASYA NA ANG TAUMBAYAN ANG PUMIPILI NG MGA OPISYAL SA LOKAL NA PAMAHALAAN.

“HINDI HO TAYO PAPAYAG DIYAN NA BY APPOINTMENT ANG ATING BARANGAY CAPTAIN, BARANGAY OFFICIALS. SABI NGA HO NAMIN, YUNG PINAKABUOD NG ATING DEMOKRASYA, YUNG TAUMBAYAN YUNG PUMIPILI NG KANYANG PINUNO, HINDI ANG MALACAÑANG”, ANI BAM AQUINO.

BAGAMAT AMINADO NAMAN ANG SENADOR NA MAY MGA OPISYAL TALAGA NG BARANGAY NA SANGKOT SA ILIGAL NA DROGA KAYA MAS PABOR ANG GOBYERNO NA MAGTALAGA NG OICS AY MAS MAINAM NA KASUHAN NA LAMANG ANG MGA ITO SANG-AYON SA PROSESO NG BATAS.

“ KUNG TALAGANG TOTOO NA NAPAKARAMI PONG BARANGAY CAPTAIN NA INVOLVED SA ILIGAL NA DROGA  AY KAILANGAN PO SILANG MAKASUHAN, KAILANGAN PO SILANG MAKULONG AT MAY PROSESO PO TAYO DIYAN. MAY PROSESO PO NG SUSPENSION, MAY PROSESO NA PWEDENG PAGDAANAN AT SIGURO PO NA KAILANGANG PAGDAANAN”, ANI BAM AQUINO.

Share This Post:

Submit to FacebookSubmit to Google PlusSubmit to TwitterSubmit to LinkedIn

BY: JOJO SICAT

WALANG PLANO SI SENADOR PANFILO LACSON NA PUNTAHAN O DALAWIN SI DATING BUREAU OF CUSTOMS (BOC) COMMISSIONER NICANOR FAELDON SA OFFICE OF THE SENATE SERGEANT-AT-ARMS KUNG SAAN SIYA NGAYON NAKADITENE.

AYON KAY LACSON, WALA NANG SILBI PA NA PUNTAHAN NIYA AT KAUSAPIN SI FAELDON KASUNOD NGA NG DESISYON NITO NA SA HUSGADO NA LAMANG HAHARAP UPANG LINISIN ANG KANIYANG PANGALAN HINGGIL SA MGA ALEGASYON NG KORASPYON LABAN SA KANIYA.

GIIT NG SENADOR, HINDI MAGKUKULANG ANG LALAMANIN NG COMMITTEE REPORT NG BLUE RIBBON KAHIT WALA ANG MGA TESTIMONYA NI FAELDON DAHIL MARAMI NAMAN ANIYANG IBA PANG RESOURCE PERSONS NA MAAARING TANUNGIN.

ITO ANIYA AY MAITUTURING PANG DISADVANTAGE SA PANIG NG DATING KOMISYUNER DAHIL PAGKAKATAON NA SANA NIYANG IPALIWANAG ANG KANIYANG PANIG SA ISSUE KUNG HUMARAP ITO SA PAGDINIG.

UNA NANG SINABI NI LACSON NA KANILA NANG INIWASAN ANG "DRAMA" SA PAGDINIG KAHAPON KAYA HINDI NILA PUWERSAHANG PINADALO SI FAELDON SA NATURANG PAGDINIG.

Share This Post:

Submit to FacebookSubmit to Google PlusSubmit to TwitterSubmit to LinkedIn

BY: ROMMEL MADRIGAL

DUMAYO PA SA LAGUNA ANG APAT (4) NA SHOPLIFTER MULA SA MALABON NA NAARESTO NG MGA SECURITY GUARD NG ISANG KILALANG MALL SA STA. ROSA CITY.

KINILALA NG IMBESTIGADOR NA SI SPO1 RAMONITO P. ALCALA ANG MGA NAARESTONG SUSPEK NA SINA JULIAN TAN OKBINA, 18 ANYOS, KIMBERLY KAHIGAS TUBERA, 18 ANYOS, JAYSON SANTOS FERRER, 29 ANYOS, JOEL LUCAS MENDOZA, 26 ANYOS NA PAWANG MGA ESTUDYANTE AT RESIDENTE NG BLK. 4 BRGY. TONSUYA, MALABON CITY.

BATAY SA ULAT NA IPINADALA NG LAGUNA PROVINCIAL POLICE OFFICE MULA SA TANGGAPAN NI OIC PSUPT. HAROLD DEPOSITAR, DAKONG IKA 2:30 NG HAPON NANG MAGANAP ANG NATURANG PANGUNGULIMBAT NG APAT NA SUSPEK NA NATUNUGAN NGA NG MGA SEKYU NG  METRO MANILA SHOPPING MECCA CORP. SA BRGY. TAGAPO NG NATURANG LUNSOD.

NABATID NA TINANGKANG ILABAS NG MGA SUSPEK ANG KANILANG NAKUHANG GAMIT NA HINDI BINAYARAN SA COUNTER. NANG LALABAS NA ANG MGA SUSPEK AY AGAD SILANG KINOMPRONTA NG MGA GUARD AT HINAHANAPAN NG RESIBO ANG KANILANG MGA DALANG PRODUKTO. NABIGO NGANG IPAKITA NG MGA SUSPEK ANG RESIBO KAYA’T SILA’Y INARESTO NG MGA SEKYU.

NAKUHA SA PAG-IINGAT NG APAT ANG IBA’T IBANG PRODUKTO NG LARUANG SASAKYAN NA KANILANG KINUHA AT SINUBUKANG ILABAS NA UMABOT SA HALAGANG P4,548. 

DAHIL DITO, ANG MGA DAYONG SHOPLIFTER AY DINALA SA TANGGGAPAN NG STA. ROSA POLICE STATION AT SINAMPAHAN NG KASONG THIEF NA ISINAGAWA NI SPO1 ALCALA, MAY HAWAK NG KASO.

Share This Post:

Submit to FacebookSubmit to Google PlusSubmit to TwitterSubmit to LinkedIn

BY: FELIX TAMBONGCO

DEAD ON ARRIVAL SA PAGAMUTAN ANG DALAWANG MENOR DE EDAD HABANG SUGATAN NAMAN ANG INA NG MGA ITO MATAPOS NA MATABUNAN NG LUPA ANG KANILANG TINITIRHANG BAHAY SA SITIO HAPAY SA MANGGA BARANGAY DOLORES, TAYTAY RIZAL.

ANG MGA BIKTIMA AY KINILALANG SINA JUSTINE PONDAL,  14 TAONG GULANG AT JUDE PONDAL, 17 TAONG GULANG HABANG ANG KANILANG INA NA SI JUDITH PONDAL AY NAGTAMO NG BALI SA KALIWANG KAMAY.

SA INISYAL NA ULAT NG TAYTAY RESCUE TEAM, DAHIL SA MALAKAS NA PAG-ULAN, LUMAMBOT ANG LUPA SA NATURANG LUGAR AT SA PAGITAN NG ALAS 4:30 HANGGANG ALAS 5:00 KANINANG MADALING ARAW, NAGKAROON ITO NG PAGGUHO.

AYON KAY RIZAL PROVINCIAL DISASTER RISK REDUCTION AND MANAGEMENT OFFICE (PDRRMO) CHIEF DONG MALONZO, AGAD NA NAGRESPONDE ANG TAYTAY RESCUE TEAM SA LUGAR UPANG MAGSAGAWA NG RESCUE OPERATION.

AGAD NAMANG NA-RECOVER ANG MGA BIKTIMA AT ISINUGOD SA TAYTAY EMERGENCY HOSPITAL SUBALIT BIGO NG MAILIGTAS PA SINA JUSTINE AT JUDE, NILAPATAN NAMAN NG LUNAS ANG INA NG MGA ITO NA SI JUDITH.

NAPAG-ALAMAN NA ANG NATURANG LUGAR AY NASA BAHAGI NG LANDSLIDE PRONE AREA, BATAY NA RIN SA PINAKAHULING GEOLOGICAL ASSESSMENT NG MINES AND GEOSCIENCES BUREAU (MGB). 

Page 4 of 1344

Broadcast Streaming

Top